Гастранамічны фэст "Беларуская кухня"
У межах тыдня роднай мовы нельга было не дакрануцца да яе ў культуры і мастацтве. Нават Ніл Гілевеч пісаў: “Культура нацыі без культуры роднай мовы – нонсэнс, бяссэнсіца”.
Такім чынам у Лабанаўскай базавай школе 20 верасня прайшоў гастранамічны фэст “Беларуская кухня”, дзе навучэнцы ўспомнілі класіку беларускай літаратуры, у якой так ці інакш закранута беларуская кухня.
Таксама яны адказна падышлі да хатняга задання і расказалі пра простую беларускую ежу, прывялі прыклады рэцэптаў. Потым склалі прыказкі і прымаўкі пра ежу. Напрыканцы мерапрыемства разгадалі крыжаванку.
На працягу ўсяго фэсту панаваў добры настрой. Вучні засталіся задаволенымі і атрымалі шэраг станоўчых уражанняў.